EBALUAZIO ETA IKERKETAREN WEBLOG BEGIRALEA HEZKUNTZAN

Se ha cambiado la ubicación de este blog

2010-04-15T16:00:00.001+02:00

Este blog está ubicado actualmente en http://bloga.isei-ivei.net/.
Espera y te redirigiremos automáticamente dentro de 30 segundos, o bien haz clic aquí.

Si estás suscrito a este feed, actualiza la URL de la suscripción a
http://bloga.isei-ivei.net/feeds/posts/default.

EBALUAZIO DIAGNOSTIKOA. EMAITZEN TXOSTEN OROKORRAK. Bertsio eraberritua (2010-03-25)

2010-03-26T09:43:00.000+01:00

EBALUAZIO DIAGNOSTIKOA. EMAITZEN TXOSTEN OROKORRA. Derrigorrezko Bigarren Hezkuntzako 2. maila
2010eko martxoa
ESKURATU hementxe pdfa

EBALUAZIO DIAGNOSTIKOA. EMAITZEN TXOSTEN OROKORRA.
Lehen Hezkuntza 4. maila
2010eko martxoa
ESKURATU hementxe pdfa

EBALUAZIO DIAGNOSTIKOA. LABURPEN EXEKUTIBOAK. DBH 2.maila eta LH 4.maila

2010-02-23T10:55:00.005+01:00

EBALUAZIO DIAGNOSTIKOA. LABURPEN EXEKUTIBOA. Derrigorrezko Bigarren Hezkuntzako 2. maila
2010eko otsaila
ESKURATU hementxe pdfa

EBALUAZIO DIAGNOSTIKOA. LABURPEN EXEKUTIBOA. Lehen Hezkuntza 4. maila
2010eko otsaila
ESKURATU hementxe pdfa

2009ko EBALUAZIO DIAGNOSTIKOAREN EMAITZEN AURKEZPENA

2010-02-19T13:28:00.005+01:00

Asteazkenean, 2010ko otsailaren 17an, Eusko Legebiltzarreko Hezkuntza Batzordean, Hezkuntza, Unibertsitate eta Ikerketako Sailburuak 2009ko Ebaluazio diagnostikoaren emaitzak aurkeztu zituen.

Jarraian, prentsan agertutako zenbait informazio ikus daitezke.

diariovasco.com: Esta mirada externa debe servir para introducir mejoras en cada escuela. Gehiago Ikusi >>

elcorreo.com: Las chicas fueron mejores, menos en matemáticas. Gehiago Ikusi >>

berria.info: EAEko hiru ikasletik batek ez du euskarazko erdi maila lortzen. Gehiago Ikusi >>
diariovasco.com: Se confirman las limitaciones en el conocimiento del euskera. Gehiago Ikusi >>

Europa Press: El 33% de los alumnos vascos no alcanza el nivel medio de euskera, cifra que en el 'modelo A' se eleva al 85%. Gehiago Ikusi >>
El Mundo: 8 de cada 10 alumnos tiene un nivel medio-alto en ciencias y matemáticas. Gehiago Ikusi >>

ABC: El 18% de los alumnos no alcanza el nivel medio en lengua castellana. Gehiago Ikusi >>

Diario Vasco: Los colegios aprueban su examen. Escuelas situadas en entornos complicados ofrecen un nivel muy superior al esperado. Educación presenta los resultados de la evaluación del sistema de enseñanza. Gehiago Ikusi >>

deia.com: Ocho de cada diez escolares del modelo A no alcanzan el nivel medio de euskera. Gehiago Ikusi >>

Noticiasdegipuzkoa.com: Tres de cada diez alumnos de Primaria y ESO siguen teniendo un nivel "inicial" de euskera. Gehiago Ikusi >>

Qué! Nervión: El 33% de los alumnos vascos suspende en euskera. Gehiago Ikusi >>

Noticiasdealava.com: Tres de cada diez alumnos de Primaria y ESO siguen teniendo un nivel "inicial" de euskera. Incluso el modelo D se muestra poco eficaz a la hora de euskaldunizar las aulas. Gehiago Ikusi >>

2009KO EBALUAZIOTIK LIBERATUTAKO ITEM ETA KONPETENTZIA MAILEI BURUZKO DOKUMENTUAK

2010-02-05T13:30:00.001+01:00

http://www.ediagnostikoak.net web orrian, item liberatuak izeneko atalean, dokumentu hauek deskarga daitezke:

- 2009ko ebaluazio diagnostikoko konpetentzia mailak. Lehen Hezkuntzako 4. maila, bai euskaraz, bai gaztelaniaz.
- 2009ko ebaluazio diagnostikoko konpetentzia mailak. Derrigorrezko Bigarren Hezkuntzako 2. maila, bai euskaraz, bai gaztelaniaz.

Dokumentu horietan, 2009ko aplikazioan ebaluatutako oinarrizko konpetentzien konpetentzia maila bakoitzaren deskribapen osatua zein proba horretatik liberatutako item guztiak ikus ditzakegu. Hauek dira konpetentzia horiek:

- Hizkuntza-komunikaziorako konpetentzia euskaraz.
- Hizkuntza-komunikaziorako konpetentzia gaztelaniaz.
- Matematikarako konpetentzia.
- Zientzia-, teknologia- eta osasun-kulturarako konpetentzia.

Hizkuntza-komunikaziorako konpetentziaren kasuan, ikasleek idatzitako testuen benetako adibideak eskaintzen dira, beren maila eta ezaugarrien gaineko balorazioarekin batera.

GIZARTERAKO ETA HERRITARTASUNERAKO KONPETENTZIAREN ITEM LIBERATUAK

2010-02-01T15:33:00.002+01:00

http://www.ediagnostikoak.net web orrian, item liberatuak izeneko atalean, sartu dira item liberatu batzuk, 2008-09 ikasturtean burutu zen Gizarterako eta herritartasunerako konpetentziaren aplikazio pilotuan erabilita.

Konpetentzia honen markoa eta bi etapetarako probak garatzean kontuan hartu diren irizpideak Euskal Autonomia Erkidegoko lurralde historiko guztietan aurkezten ari dira:

o Gipuzkoa: 2010eko urtarrilak 28.
o Bizkaia: 2010eko urtarrilak 29.
o Araba: 2010eko otsailak 4.

2010EKO EBALUAZIO DIAGNOSTIKOAREN APLIKAZIO PROZESUAREN HASIERA

2010-01-29T13:37:00.002+01:00

2010eko ebaluazio diagnostikoan parte hartuko duten Lehen Hezkuntzako 4. mailako eta Derrigorrezko Bigarren Hezkuntzako 2. mailako ikasleen ia datu guztiak bildu ostean, 2010eko aplikazio-prozesuari hasiera emango zaio.

- Hezkuntza Sailburuordearen Ebazpena agertu berri da; horren bidez ematen dira 2010eko probak egiteko argibideak (esteka: EBAZPENA 2009/2010 ikasturtean, oinarrizko gaitasunen ebaluazio diagnostikoaren ingurukoa. (EHAA, 2010-02-11) ).

- 2. artikuluak adierazten duen moduan, probak aplikatzeko aldia honako hau izango da:

a) Lehen Hezkuntzako 4. mailako ikasleak: 2010eko otsailaren 22tik martxoaren 5era arteko aldian.
b) DBHko 2. mailako ikasleak: 2010eko martxoaren 8 eta 19 arteko aldian.
c) Ezohiko egoerak edo aplikazioan sor daitezkeen arazoak konpontzeko, egun batzuetan luzatu ahal izango dira aurreko artikuluetan adierazitako aplikazio-aldiak.

- Hezkuntza, Unibertsitate eta Ikerketa Sailak, lehiaketa publiko bidez, kanpoko enpresa bati esleitu dizkio talde eta ikastetxe bakoitzean probak aplikatzearekin lotutako lanak. Enpresa esleipendunaren lana ISEI-IVEIk berrikusiko du zuzenean, eta ebaluazio diagnostiko honetarako zehaztutako protokolo eta irizpide estandarizatu guztiak zorrotz bete beharko ditu.

- Jakinarazpen ofizial bat bidali da Lehen Hezkuntzako Ikastetxeetako zuzendaritza talde bakoitzera; bertan, ikastetxe bakoitzean aplikazioa noiz gauzatuko den jakinaraziko da. Guztiz justifikatutako arrazoiak direla eta, proposatutako egunetan probak ezingo balira egin, ikastetxeko zuzendariak egoera horren berri emango du aldaketa adosteko. Denboran gutxitan Derrigorrezko Bigarren Hezkuntzako ikastetxeetara bidaliko da komunikazio hau.

- Parte hartuko duen ikastetxe bakoitzak, datozen egunotan, bisita izango du aplikazioa prestatzeko, ikasleen zerrenda berrikusteko eta aplikazio-datak eta ordutegia behin betikoz adosteko; horrez gain, beharrezko guneen eta ekipamenduen baldintzak ere zehaztuko dituzte.

Azkenik, ISEI-IVEIk ebaluazioa egiteko,hainbat dokumentu bidaliko ditu berehala argibide orokorrekin; horrez gain, benetakoen antzekoak diren proba-ereduak eta erantzun-orriak ere bidaliko ditu. Parte hartuko duen talde bakoitzeko tutoreak, proba aplikatu baino egun batzuk lehenago, proben helburuaren, ezaugarrien eta garrantziaren berri eman beharko die ikasleei; horretarako, material hauek erabili ahal izango ditu.

IKERKETAKO TEKNIKARI ADITU LANPOSTU DEIALDIA ISEI-IVEI ERAKUNDEAN

2010-01-29T09:57:00.000+01:00

Zerbitzu-betekizunen erregimenean, ISEI-IVEIko Metodo Taldearen baitan, Ikerketako teknikari aditu lanpostua betetzeko deialdia agertuko da.

Karrerako edo praktiketako funtzionarioek parte hartu ahal dute deialdian, baita bitarteko funtzionarioek ere.

Parte hartu ahal izateko, baldintza hauek bete behar dira: 2. hizkuntz eskakizuna, goi mailako titulazioa, irakaskuntza arloan 6 urteko esperientzia, eta A edo B taldekoa izatea.

ESKURATU HEMENTXE DEIALDIA

Migraziotik etorritako haurren hezkuntzari buruzko 2009ko azaroaren 26ko Europako Kontseiluaren ondorioak

2010-01-25T12:21:00.001+01:00

Hauek dira etorkinak Europar Batasunean gizarteratzeko politikarako oinarrizko printzipio komunak finkatzeari buruzko Kontseiluaren eta Europar Batasuneko kide diren estatuetako gobernuetako ordezkarien ondorioak. Printzipio horietako baten arabera, hezkuntzan gauzatutako ahaleginak ezinbestekoak dira etorkinak prestatzeko eta, bereziki, haien ondorengoak prestatzeko, gizartean arrakasta handiagoarekin eta modu aktiboagoan parte har dezaten.

ESKURATU HEMENTXE PDFa

ALDATZEN ARI DEN MUNDURAKO GAITASUN GARRANTZITSUAK

2010-01-19T09:25:00.002+01:00

Batzordeak Europako Parlamentuari, Kontseiluari, Ekonomia eta Gizarte Lantaldeari eta Eskualdeetako Lantaldeari egindako jakinarazpena.

Kontseiluaren eta Batzordearen «2010eko Hezkuntza eta prestakuntza» lan-programa praktikan jartzeari buruzko 2010eko txosten bateratuaren proiektua.

ESKURATU HEMENTXE PDFa

2010EKO DIAGNOSTIKOA EGITEKO EBALUAZIORAKO IKASLEEN DATU BILKETAREN HASIERA

2010-01-13T09:37:00.002+01:00

Urtarrilaren 11tik 22 arte Euskal Autonomia Erkidegoko funts publikoekin mantendutako zentroetan eskolatutako Lehen Hezkuntzako 4. mailako eta DBHko 2. mailako ikasle guztien datu-bilketa prozesua gauzatuko da.

Datu-bilketa hori http://www.ediagnostikoak.net/ aplikazio informatikoaren bidez gauzatuko da, datuak sartzeko protokoloan xedatutako irizpide eta prozedurei jarraiki.

Euskal Autonomia Erkidegoko ikastetxeetako diagnostikoa egiteko ebaluazio prozesua arautzen duen 2008ko abenduaren 2ko Aginduko 6.2. artikuluak honela dio:

“Ikastetxe bakoitzeko zuzendariak proba egingo zaien ikasle guztien zerrenda osatuko du; zerrenda horretan Lehen Hezkuntzako 4. mailako eta Derrigorrezko Bigarren Hezkuntzako 2. mailako ikasle guztiak jaso beharko dira”.

Zerrendak egin eta berrikusi ondoren, parte hartzen duen ikastetxe bakoitzak aplikazioaz arduratzen den pertsonaren bisita jasoko du, ikasleen zerrenda egiaztatzeko eta aplikazioko behin betiko baldintzak finkatzeko.

ESKURATU HEMENTXE PDFa

EBALUAZIO DIAGNOSTIKOA URTE BERRIAN

2010-01-11T15:57:00.001+01:00

2010 urtea Euskadiko ebaluazio diagnostikoarekin lotutako bi lanekin hasi dugu:

1. 2009ko aplikazioari dagokion prozesua amaitzea:

2009ko azken hiruhilekoan, diagnostikoaren ebaluazioko 2009 aplikazioan parte hartu zuten ikastetxe guztiek deskargatu zuten ikastetxearen txostena eta ebaluatutako ikastetxeko ikasle bakoitzaren banakako txostena. Era berean, eremuko Berritzeguneak eta Hezkuntzako Ikuskaritzak koordinatuta, ikastetxe bakoitzeko emaitzen azterketa-prozesua abiatu zuten, 2009-10 ikasturteko bigarren hiruhilekoan ikastetxe bakoitzak egin behar duen hobekuntza-planaren lehen fasea.

Emaitzen azterketa-prozesu honetan, ISEI-IVEIk esfortzu izugarria egin du ikastetxe batzuek emaitzen inguruan adierazi dizkiguten zalantza guztiak zuzenean erantzuteko, eta txostenen batean topatutako arazo batzuk ere konpondu ditugu. Gure asmoa lankidetzako jarrera horrekin lanean jarraitzea da.

2009 aplikazioari dagokion prozesua amaitzeko, Euskadiko emaitza orokorrak biltzen dituen txosten orokorra argitaratzea besterik ez da falta, eta laster emango ezagutzera du Hezkuntza, Unibertsitate eta Ikerketa Sailak. Horrez gain, ebaluatutako oinarrizko gaitasun bakoitzeko errendimendu mailetako bakoitzaren deskribapena biltzen duen dokumentua ere argitaratuko da, baita 2009an aplikatutako probetan liberatutako item batzuk ere; horiek ere laster izango dira.

2. 2010 aplikazioaren hasiera:

Ikasturte honetako lehen hiruhilekoan 2010 aplikazioarekin lotutako guztia antolatzen aritu gara: errendimenduko proba guztiak berrikusi ditugu, item batzuk ezabatu ditugu (liberatu egingo dira) eta pilotatzeko item berriak egin ditugu. Prozesu honetan Berritzeguneetako, Ikuskaritzako eta ikastetxeetako langileen lankidetza izan dugu.

Era berean, ikasleen datu-bilketarako eta ikastetxeetan aplikazioaren jarraipena egiteko beharrezko aplikazio informatikoak garatu ditugu. Azkenik, lehiaketa publiko bidez, ISEI-IVEIrekin lankidetzan arituko diren enpresak aukeratu ditugu; enpresa horiek askotariko lanak egin beharko dituzte: ebaluazioko materialak argitaratu, ikastetxeetan probak aplikatu, irekita dauden itemak zuzendu eta material guztiak digitalizatu.

Horrekin lotuta, hauek izango dira berehala egin beharreko lanak:

- Proba, galdesorta eta material guztiak maketatzea eta argitaratzea.
- Ikasturte honetako probak egin behar dituzten Lehen Hezkuntzako 4. mailako eta DBHko 2. mailako ikasleen datu-bilketa.
- Ikastetxean aplikazioa prestatzen hastea, fase horretarako kontratatutako enpresarekin batera.

Lan horiekin guztiekin eta abian jarriko ditugun beste batzuekin, eremu honetan azalduko da informazioa. Hasi berri dugun urtea ona izan dadila guztiontzat.

Ebaluazio diagnostikoaren txostenei buruzko 20 oinarrizko galdera

2009-12-22T14:19:00.005+01:00

Ebaluazio diagnostikoaren txostenei buruzko 20 oinarrizko galdera

Eskuratu >>

Gurasoen prestakuntza oso garrantzitsua da eskola-arrakastan

2009-12-22T13:41:00.002+01:00

Txosten baten arabera, eskolatze goiztiarra eta baliabideak eskola-porrota murrizteko tresna dira.

Gurasoen ikasketa mailak zehazten du seme-alaben eskola-arrakasta, Caixa Catalunyaren Gizarte Ekintzak egindako txosten baten arabera, betiere; bertan, Espainiako gizarte-bazterketa moduen, eta heziketa eta osasunaren arteko loturak aztertzen dira. Eskolatze goiztiarrak, asmoak transmititzeak eta etxeko heziketa- eta kultura-baliabideek eskola-errendimendua hobetzen dute.

http://comunidad-escolar.pntic.mec.es/859/report1.html

http://discoverynet.es/informe_inclusio/informe2009_castella.pdf

Heziketaren egoera. ELGAren adierazleak 2009. Espainiako txostena.

2009-11-24T12:09:00.002+01:00

Argitalpen hau nazioarteko adierazleen gaineko ELGAren 2009 txostenaren laburpena da, Education at a Glance / Regards sur l’Education / Panorama de la Educación (Hezkuntzaren Egoera) izenekoa. Txostenak Espainiako estatutik egindako begirada sinplifikatua eskaintzen du; horrek irakurlearentzako informazio erabilgarria eskaini nahi du, gure ingurunearekin lotuta hezkuntza-sistema hobeto ezagutzea ahalbidetzen duten alorrak nabarmenduz.

Dokumentua lau ataletan dago zatituta:
a) hezkuntza eta hezkuntza-emaitzak hedatzea,
b) hezkuntzaren onura sozialak eta ekonomikoak,
c) hezkuntzaren finantzaketa, eta
d) ikastetxeen ingurunea eta ikaskuntza.

Aurkeztutako adierazle bakoitzak ELGAren eta EB-19ren batez bestekoarekin, eta Estatu espainolarekin alderatzeko garrantzitsutzat hartu diren herrialdeetako datuekin egiten du alderaketa.

http://www.institutodeevaluacion.mec.es/contenidos/internacional/indicadoresOCDE_2009.pdf

2009KO EBALUAZIO DIAGNOSTIKOA. IKASTETXEKO TXOSTENA ETA FAMILIARENTZAKO TXOSTENA EMATEA

2009-11-13T12:17:00.003+01:00

Azaroaren 12tik aurrera, ikastetxeak SARBIDE DATUAK jasotzen ari dira, Ikastetxeko txostena eta Ebaluazio diagnostikoa 2009an parte hartu zuten ikastetxeko ikasle bakoitzaren Familiarentzako txostena jaitsi ahal izateko.

Deskarga-prozesua oso konplexua da; gutxi gorabehera 35.000 banakako txosten eta 867 ikastetxeko txostenak on-line sortu beharko dira bi hizkuntza ofizialetan, zeregin horretarako bereziki sortutako aplikazio informatikoaren bidez. Emaitza guztien fidagarritasuna bermatzeko asmoz, datu-base guztietan garbiketa zorrotza eta berrikuspen osoa egin dugu.

Emaitzen txosten guztiak deskargatzeko hiru aste izango dira: azaroaren 12tik abenduaren 6ra arte.

ELGA-REN TALIS AZTERKETA, IKASKUNTZA ERAGINKORRERAKO BALDINTZAK

2009-11-03T11:02:00.002+01:00

ELGAren Irakaskuntza eta Ikaskuntzaren gaineko Nazioarteko Azterketak (TALIS, Teaching and Learning International Survey ingelesezko siglak) irakaskuntza eta ikaskuntzaren baldintzen gaineko nazioarteko lehen alderaketa eskaintzen du; horretarako, ELGAren Ikasleen Nazioarteko Ebaluaziorako (PISA) programak jakinarazitako ikaskuntzaren emaitzetan aldeak azal ditzaketen zenbait faktoreren inguruko ideia berritzaileak ditu. Hezitzaile-lanbidea erakargarriagoa eta eraginkorragoa izan dadin, herrialdeek politikak azter eta gara ditzaten laguntzea da helburua.

Eskuratu ingelesez dagoen TALIS txostena

Eskuratu gaztelaniaz dagoen TALIS txostena

Erlazionatutako dokumentuak:

Las mejores condiciones para un aprendizaje eficaz Marta Vázquez-Reina

El estudio TALIS de la OCDE, condiciones para un aprendizaje eficaz Síntesis de los primeros resultadosOCDE

ISEI-IVEIko DIDAKTIKA TALDEKO KOORDINATZAILE LANPOSTUA

2009-10-13T10:49:00.003+02:00

Hezkuntza, unibertsitate eta Ikerketa Sailak deia egiten du, zerbitzu-eginkizunetan betetzeko, ISEI-IVEIko Didaktika taldeko Koordinatzaile lanpostua.

Deialdi honetan parte hartu ahal izango dute karrerako funtzionarioak edo praktiketako funtzionarioak. Halaber, bitarteko funtzionarioek parte har dezakete.

Lanpostuaren ezaugarriak:

- Hizkuntza-eskakizuna: PL2

- Titulazioa: Goi mailakoa.

- Esperientzia: 3 urte zuzendaritza-lanetan edo antzekoetan.

- Irakasleen kidego: A taldea.

Izangaien merezimenduak deialdi honetako I. eranskinean argitaraturako baremoaren arabera neurtuko dira.

Dokumentuak aurkezteko epea 2009ko urriaren 19an bukatzen da.

BERRITZEGUNEEI ETA IKUSKATZAILETZARI AURKEZPENA

2009-10-09T10:26:00.003+02:00

Irailaren 25ean, irakasleei laguntza emateko zerbitzuetako (Berritzeguneak) eta Hezkuntza Ikuskatzailetzako langile guztiei eta Hezkuntza Berrikuntzako lurralde mailako buruzagi guztiei zuzendutako prestakuntza-saioa eskaini dute. Saioa Bilboko Musika Eskolako ekitaldien aretoan egin dute.

Prestakuntzako jardunaldi horretan, 2009ko diagnostikoa egiteko ebaluazioa oinarri zuenean, bi hizlari izan ziren:

- Francisco Luna ISEI-IVEIko zuzendaria. Ikastetxearen txostenaren eta Familiei zuzendutako txostenaren ezaugarriak eta egitura azaltzen oinarritu zen 2009ko diagnostikoa egiteko ebaluazioaren emaitzak aintzat hartuta.

- Joaquín Gairín Bartzelonako Unibertsitateko eskola-antolakuntzako katedraduna. Hitzaldiaren oinarria Gaitasunen ebaluazioaren ondoren egin beharreko hobekuntzako planak izan ziren.

Saio horretan 350 pertsona inguru bildu ziren eta Eusko Jaurlaritzaren Hezkuntza, Unibertsitate eta Ikerketa Saileko Hezkuntza Berriztatzeko Zuzendaritzak antolatu zuen.

2010EAN APLIKATZEKO LEHIAKETAK

2009-10-08T09:44:00.007+02:00

Ebaluazio diagnostikoari dagokion 2010ean aplikatzearekin lotutako lanak egiteko hainbat enpresa kontratatzeko lehiaketa publikoak jarri dituzte martxan.

Orain arte, bi deialdi kaleratu dituzte eta eskaerak aurkezteko epea 2009ko irailaren 24an amaitu zen:

-Ikasleen erantzun-orriak digitalizatzea.
-2010. urteko diagnostikoa egiteko ebaluazio-probetan erabiliko dituzten probak, galdetegiak eta erantzun-orriak inprimatzea, eta horiek gordetzea eta zaintzea.

EHAAn laster argitaratuko dute ikastetxeetan probak aplikatzearekin eta errendimenduko proba horietako galdera irekiak zuzentzearekin lotutako deialdia.

Eskuratu BOPV carátula digitalización
Eskuratu BOPV carátula imprenta

KONPETENTZIEN MAILEEN EBAKETA-PUNTUAK ZEHAZTEKO LAN-TALDEAK

2009-10-07T09:09:00.007+02:00

Irailaren 9an, 10ean eta 11n lan-taldeak bildu dira, ebaluazio diagnostikoko 2009ko aplikazioan ebaluatutako oinarrizko lau konpetentzien errendimenduko mailei dagozkien ebaketa-puntuak zehazteko: Hizkuntza-Komunikaziorako konpetentzia euskaraz eta gaztelaniaz, Matematikarako konpetentzia eta Zientzia-, teknologia- eta osasun-kulturarako konpetentzia.

Ebaluazio Diagnostikoaren probetako ebaketa-puntuek adierazten dute ikasleek lortu dituzten gaitasun-maila. Ebaketa-puntu horiek helburu berarekin nazioarteko beste ebaluazio batzuetan erabiltzen duten prozedura estandarizatuaren bidez finkatu dituzte.

Maila bakoitzerako ebaketa-puntuak identifikatzeko prozesu horretan probak prestatzen aritu ziren profesional guztiek parte hartu dute: ISEI-IVEIko teknikariak, Hezkuntza Ikuskatzailetzakoak, irakasleei zuzendutako prestakuntzako eta aholkularitzako zerbitzuetakoak -Berritzeguneak- eta maila ezberdinetako irakasleak. Gainera, prozesu horretan parte hartzera gonbidatu dira beste irakasle batzuk talde-lanean aritzeko; izan ere, gaur egun ebaluatutako maila horietan eskolak ematen ari dira. Pertsona horiek guztiek isilpekotasun-konpromisoa sinatu dute. Hori dela eta, ezin dute informazioa inola ere erabili.

"Ebaketa puntuen" inguruko prestakuntza SIMCErekin (Txile)

2009-10-05T09:48:00.006+02:00

Uztailaren 8an eta 9an gurekin izan ziren Claudia Matus Correa eta René Gempp Fuentealba, Txileko SIMCE (www.simce.cl) erakundeko kideak. SIMCE Latinoamerika osoan ebaluazio arloan prestigiorik handieneko erakundeetako bat da eta lehen ere prestakuntza-prozesuetan parte hartu izan du ISEI-IVEIrekin elkarlanean.

Bisita hark bi helburu izan zituen:

- Prestakuntzako ikastaroa eskaintzea estatistikako gai ugariren inguruan. Saio haietara ISEI-IVEIko 6 teknikari joan ziren.

- Prestakuntzako ikastaroa eskaintzea estatistikako gai ugariren inguruan. Saio haietara ISEI-IVEIko 6 teknikari joan ziren.Informazio-saioa egitea oinarrizko gaitasunen errendimendu mailetako mugak zehazteko eta finkatzeko prozesuaren inguruan. Saio horretan, ISEI-IVEIko kide guztiez gain, Hezkuntza arloko ikuskari batzuk eta Berritzeguneetako (irakasleei laguntza emateko zerbitzuak) teknikarien talde handia bildu ziren. Haietako askok diagnostikoaren ebaluazioa egiteko errendimendu-probak prestatzen parte hartu zuten aurretik.

Claudia Matusek estatistikaren kalitatea kontrolatzeko aholkulari gisa lan egiten du SIMCEn eta René Gemppek zeregin hau betetzen du: Neurketa eta baliabideen diseinuaren Koordinazioa.

Haien ideiei eta irizpideei esker, Euskadiko diagnostikoaren ebaluazioa egiteko errendimenduko mailetako mugak ezartzeko prozesuaren oinarriak finkatu dituzte.

Ver aquí Metodología de Puntajes de Corte en las Pruebas del SIMCE de 2008

ISEIko ZUZENDARI BERRIA

2009-10-02T09:24:00.000+02:00

2009ko ekainaren 19an, ISEI-IVEIko zuzendari berriaren izendapenaren berri eman zuten Euskal Herriko Agintaritzaren Aldizkarian. Francisco Lunak Josu Sierra Orrantia, kargua zortzi ikasturtetan bere gain izan duena, ordezkatuko du.

Zuzendari berriak lehen ere ISEI-IVEIn lan egin izan du (sortu zenetik) didaktikako taldeko koordinatzaile kargua betetzen eta, gainera, Irakaskuntza Sistema Ebaluatu eta Ikertzeko Erakunde honetako zuzendaritza-taldeko kidea ere izan da orain arte.

Hauek dira ISEI-IVEIko zuzendariarekin edozein komunikazio edo harreman izateko helbideak: fluna@isei-ivei.net, zuzendaritza@isei-ivei.net edo dirección@isei-ivei.net

2009-2010 IKASTURTE BERRIA

2009-10-01T14:10:00.000+02:00

ISEI-IVEIrentzat erronka eta itxaropen handiekin ekin diogu ikasturte berriari. Berrikuntza ugariko ikasturtea izango da; besteak beste, pertsona berriak daude Hezkuntza, Unibertsitate eta Ikerketa Saila zuzentzen.

Ikasturte honetan, ebaluazio diagnostikoari dagokion prozesu osoa lehen aldiz amaitzea espero dugu. Horren bidez, Euskadiko ikastetxe guztiei emaitzen txostenak eta Lehen Hezkuntzako 4. mailan eta DBHko 2. mailan ebaluazio horretan esku hartu zuten talde guztien emaitza guztiak entregatzea espero dugu. Era berean, joan den ikasturtean egindako aplikazioan parte hartu zuten ikasleen familia guztiei txostena entregatuko zaie.

2009ko aplikazio hartan, Oinarrizko Ikasketen Dekretuan zehaztutako oinarrizko lau gaitasun ebaluatu genituen: hizkuntza-komunikaziorako konpetentzia euskaraz, hizkuntza-komunikaziorako konpetentzia gaztelaniaz, matematikarako konpetentzia eta Zientzia-, teknologia- eta osasun-kulturarako konpetentzia.

Guztira, 34.000 ikasle inguruk hartu zuten parte, 1.799 taldetan banatuta, gutxi gorabehera. Ebaluazio horretako emaitzak 2009. urteko urriaren amaieran edo azaroaren lehen egunetan entregatzea aurrez ikusi dugu.

Lehen hiruhileko honetan, diagnostikoa egiteko ebaluazioaren 2010eko aplikazioa jarriko dugu abian, joan den ikasturtean garatutako kanpoko aplikazioaren eredu berari jarraituz.
ISEI-IVEren lanean funtsezkoa den beste proiektu batekin lotuta (PISA ebaluazioa), trantsizioko ikasturtea izango da aurtengoa, PISA 2009 aplikazioaren emaitzen zain gauden bitartean. Emaitzak datorren ikasturteko lehen hiruhilekoaren amaieran egongo dira eskuragarri.

LEHEN HEZKUNTZAKO 6.MAILAREN EBALUAZIOA CATALUNIAN. LEHENENGO EMAITZAK.

2009-06-17T12:19:00.007+02:00

El Periódico: http://www.elperiodico.com/default.asp?idpublicacio_PK=46&idioma=CAS&idtipusrecurs_PK=7&idnoticia_PK=620714

Eskuratu: Página del Consell Superior d`Evaluacio