2007-12-10
MURGILTZEKO IKASLEAK BESTEAK BAINO HOBEAK KANADAN...
Besteak baino emaitza hobeak... proba etxeko hizkuntzan egiten dutenean. Noiz egin ahal izango dute murgiltzekoak eta jatorrizko hiztunak proba hizkuntza berean? Hizkuntza-maila antzekoa dutenean.
2007-12-08
IKASLE ELEBIDUNEN ERRENDIMENDUA: ADIBIDEA
Ikasle elebidunen errendimendua eta probaren hizkuntza ez da politika, zientzia baizik.
Hona adibide bat:
15 urteko bi gazte ditugu, maila sozioekonomiko antzekoa dute:
- Bata, alemaneraren jatorrizko hiztuna da, alemaneraz bizi da, familian, kalean...
- Bestea espainolaren jatorrizko hiztuna da baina txikitandik Ikastetxe Alemanera doa Estatu Espainolean. Jakina, ikastetxetik kanpo espainolez bizi da.
Aplikatzen diegu biei Irakurmen-proba konplexu bat alemanez (testu luzeak, dibulgaziozkoak, literarioak...)
Nok lortuko du puntuaziork altuena? Segurasko alemaneraren jatorrizko hiztuna.
Zergatik? Probaren hizkuntza hobeto menderatzen duelako.
Balio bera duen probaren espainolezko bertsio bat balego eta espainolduna proba hori egingo balu, baldintza berberetan egongo lirateke? Segurasko askoz antzekoagoetan.
Hauxe bera da Euskadin egiten duguna PISA probekin.
Hong-Kong-eko grafiko honetan ikusten denez, bigarren hizkuntza baten ikasleak ikasturtez-ikasturte hurbildu egiten dira jatorrizko hiztunen mailara irakurketan, baina txineraz egiten diztuztenek beti lortzen dute puntuazio altuagoa.
2007-12-06
IKASLE ELEBIDUNEK PISA-N PUNTUAZIORIK ALTUENAK LORTZEN DITUZTELAKO HASERRE
Egunkariren bat eta sindikatu bat kexu dira ikasle elebidunek puntuaziorik altuenak lortzen dituztelako PISA-n (ikus grafikoa: publiko-itundua diferentzia maila sozioekonomikoaren eraginez gertatzen da). Beraien ustez ezin zaie probarik aplikatu gehien menderatzen duten hizkuntzan baizik eta ikasten ari diren hizkuntzan. Zergatik?
Horrek behartzen gaitu gure programa hirueledunetan dauden ikasleei probak ingelesez aplikatzen. Justua al da hori?.
PISA-k ikasleek konpetentzia zientifiko, matematiko eta ikarkurketakoak dituzten ala ez jakin nahi du, besterik ez.
Guk frogatu dugu ikasle elebidunek Zientzia, Matematika eta Irakurmenean onak direla, baina gainera gaztelania dakite (etxeko hizkuntza) eta euskara ikasten ari dira. Nork eskaintzen du gehiago?
Ez gara PISA probak horrela, ikaslearen etxeko hizkuntzan, egiten ditugun bakarrak: Kanada eta Hong-Kong-en ere berdin aplikatzen dute. Desberdinak izango al gara gu ikasleri elebidunaren porrota desiratzen dutenei gustua emateagatik? (Horrela dirudi behintzat).
Zergatik aplikatuko ditugu proba hauek klaseko hizkuntzan badakigunean bigarren hizkuntza hori oraindik ez dutela jatorrizko hiztun bat bezala menderatzen?
Hong-Kong-eko Ho doktoreak dio: “…hizkuntza karga handia duten arloetan, Zientzia eta Irakurmena kasu, ikasleen errendimendua gutxietsia da ingelesez ebaluatzen ditugunean (2.H). Honela gertatzen da konpetentzia gutxiago dutelako 2.Han 1.Han baino.”
Ikus: http://www.isei-ivei.net/cast/pub/lenguaPruebaHongKong.pdf
PISA 2006 txostena hemen.
2007-12-03
IEA-K PIRLS EMAITZAK ATERA DITU
IEA-k Irakurketari buruzko PIRLS ebaluazioaren emaitzak kaleratu ditu. Hona laburpena.PIRLS2006_statement_exhibits.pdf
Suscribirse a Entradas [Atom]
